المساعد الشخصي الرقمي

مشاهدة النسخة كاملة : الكشف الطبي



jassmine
22-03-2010, 11:32 PM
بسم الله الرحمن الرحيم
السلام عليكم ورحمة الله وبركاته
للناس اللي ماتعرفش
فيه كشف طبي وليه حجز بس محدش يحجز قبل الاسماءماتنزل
لان لازم استمارة الكشف الطبي تتختم من المديرية وهما مش هيختموها غيربعد الاسماء ماتوصل ولو حجزتم ومرحتوش مش هينفع تحجزوا غير بعد يومين او اسبوع
وفيه حجز عادي ومستعجل
والكشف الطبي بفلوس العادي ب 40 تقريبا والمستعجل ب 80
ونمرةالتليفون للحجز 19806

أبو مالك
23-03-2010, 11:06 AM
وعليكم السلام ورحمة الله وبركاته

جزيتم عنا خيرا

jassmine
23-03-2010, 11:31 PM
بسم الله الرحمن الرحيم
السلام عليكم ورحمة الله وبركاته
تكملة لموضوع الكشف الطبي
فيه كمان 40 جنية بتدفع علشان تحليل THC&opiates
والنتيجة والورق بيخلص في نفس اليوم
والكشف العادي من الساعة 2 والمستعجل 3بس مبتستناش وبتروح تاني يوم ما تتصل

حرس الحدود
23-03-2010, 11:37 PM
كشف طبي بتاع إيه ؟؟؟؟

hooba
23-03-2010, 11:56 PM
انا مش فاهمة حاجة؟ كشف طبي ليه؟

jassmine
24-03-2010, 02:00 PM
فيه استمارة كشف طبي ب 10 جنية من البريد بنروح بيها مع بقية الورق(شهادة التخرج والامتياز وصورة البطاقة وصورة شهادة الميلاد واقرار الذمة المالية والصور الشخصية) المديرية بنختم الاستمارة ونروح بيها المكان اللي هتحدده مع الاستعلمات اللي هتتصل بيهم لما تحجز

A. Soliman
24-03-2010, 07:04 PM
ده كشف طبي علشان استلام العمل
زي الكشف اللي عملناه قبل دخول الكلية

استمارة 111 من البريد بـ 10 جنيه
تحط عليها صورة و تمضيها و تختمها من المديرية اللي انت تبعها
تحجز بالتليفون 19806 ارضي او 2363 محمول ..
تديهم اسمك و رقم البطاقة و الوظيفة
هيحدد لك معاد و مكان الكشف
هتروح في المعاد تدفع 80 جنيه ( 40 رسوم و 40 تحاليل سموم )
الكشف عادي و روتيني و تحليل السموم من عينة بول
بتاخد الاستمارة بعد ما تكشف في نفس اليوم

اي استفسار احنا في الخدمة لأني كشفت بالفعل

احمد الشهيد
24-03-2010, 07:17 PM
وحضرتك كشفت ازاي والاسماء لسه ما وصلتش؟؟؟؟؟

pinkyflower88
24-03-2010, 08:45 PM
فيه ناس راحت وزاره الصحه واخدوا من هناك صوره من الورقه الي فيها اسمهم وبعدين راحوا المطبعه واخدوا نسخه للمديريه الي هم فيها وراحو الاداره واستلموا بالفعل الي اعرفهم عملوا كده تبع مديريه القليوبيه المهم الكلام بتاع الكشف الطبي زي ما الناس كاتبه وكمان ممكن تستلم من قبل ما تعمله لان الي باحكي عنهم قالوا ان الاوراق بتاعتنا المديريه بتبعتها للاداره وهناك المفروض نكمل الملف ونحط فيه الاستماره وللتلخيص بتشتري الاستماره من البريد ب 10 جنيه وبعدين تخلصها من المديريه بس طبعا لازم الورق بتاعك يوصل للمديريه الاول يا تستناه يوصل يا توديه انت وبعد كده تتصل بالرقم السابق بيتحدد معاد باقرب مستشفي تامين صحي ليك وبعد الكشف بتخلي التقرير معاك لحد ما ملفك يوصل الاداره وهناك تبقي تديهم الاستماره:patch_ordi:

stargazer
24-03-2010, 08:59 PM
معلش السؤال غريب بس هو انا لازم اختم الاستمارة من المديرية الاول ولا ممكن اروح على طول ؟

حبيبه
24-03-2010, 09:15 PM
هو ممكن احجز الكشف الطبى واروح وبعدين اباه اروح للمديريه ولا لازم اروح المديريه الاول تمضيه وتختم عليه؟؟؟لان مشوار المديريه ده بعيد مش عاوزه اروحه اكتر من مره
هو80 جنيه ده مستعجل ولا عادى ولو عادى بيطلع ف اد ايه ولو مستعجل بيطلع ف اد ايه
واماكن ايه اللى بيحددوهالنا نكشف فيها مستشفيات بعيده ولا ايه
ارجو سرعه الردلان الاجراءات الكتير دى عملالى قلق وتوتر مش عارفه ايه الاول وايه الاخر والحاجات كتير جدااااااوايه كمان الجواب اللى انا بروح اخده من الوزاره ده انا لما اتصلت قالولى تعالى اعملى الكشف الطبى طب ده عندهم ولا ايه مش فاهمه حاجه خالص

pinkyflower88
24-03-2010, 10:21 PM
اولا لازم يتختم الاول لان المستشفي مش هاتقبله لو مش مختوم وده كلام اكيد لاني اتصلت بالرقم وكانت هاتحدد معاد ولما عرفت اني لسه مختمتش الورق قالت اختميه وبعدين احجزي
ثانيا الموضوع سهل جدا ان شاء الله لما تخلصي الاستماره اتصلي بالرقم بتحددلك معاد قي اقرب مستشفي تامين للمكان الي تكليفك فيه انا متلا ب مدينه نصر قالتلي اروح مستشفي التامين الي في شارع الطيران يعني اقرب مستشفي
ثالثا المستعجل بيكون بدري يعني لو حجزتي انهارده تروحي بكره انما العادي بعدها بيومين يعني فرق اهبل ميستاهلش 40 جنيه فرق العادي 40 ج والمستعجل 80 ج ده غير 40ج لاختبار بوووووول سرقه ونصب بس هانعمل ايه بيقولوا بتاع المخدرات المهم بس كده وبالحالتين قبل ما تمشي هاتخدي التقرير ولا كشف ولا حاجه كله كلام علشان الفلوس والسلام :patch_swit:

حبيبه
25-03-2010, 10:05 AM
منهم لله
حسبى الله ونعم الوكيل
:no comment.gif::no comment.gif::no comment.gif::no comment.gif:

dr.muslima
25-03-2010, 11:01 AM
سلام عليكم
اىحد داخل القاهره بيروح يختم الورقه دي في المديريه؟؟؟ ومعنى كد انه خلاص يستلم الشغل و لا ايه ؟؟ و لا دي حاجه و الاستلام حاجه؟؟ عشان انا مش عايزه استلم دلوقت خالص و مش فاهمه اى حاجه

dr.muslima
25-03-2010, 11:04 AM
سلام عليكم
اللى في القاهره عملوا ايه يا جماعه؟؟

أبو مالك
25-03-2010, 01:36 PM
سلام عليكم
اللى في القاهره عملوا ايه يا جماعه؟؟

سلام عليكم
اىحد داخل القاهره بيروح يختم الورقه دي في المديريه؟؟؟ ومعنى كد انه خلاص يستلم الشغل و لا ايه ؟؟ و لا دي حاجه و الاستلام حاجه؟؟ عشان انا مش عايزه استلم دلوقت خالص و مش فاهمه اى حاجه

وعليكم السلام ورحمة الله وبركاته

لو حضرتك مش هتستلمى مش لازم تقدمى لأى حاجة لوقتى والأسماء هتوصل لوحدها

___________
بالنسبة للى عايز يتسلم يروح الوزارة الدور الخامس شئون الأفراد
هجيب صورة قرار وزارة الصحة ومختوم

وتجيب الاسم بتاعك وتصوره وتختمه

ابو الوليد
25-03-2010, 02:54 PM
جزاكــــــــ الله خيرا ــــم

Deena Mohsen
25-03-2010, 06:46 PM
انا رحت النهارده مديرية القاهره والقرار والاسامى وصلت عندهم واستلمت بس خلتنى اصور الصفحه اللى فيها اسمى فى دفتر عندها وشوية ورق كده كلو عندها وخدت منى اصل شهادة التخرج والامتياز والترخيص وصورة البطاقة بس وقالتلى تعالى يوم الاربعاء يكونو اعتمدو الورق ده ويدونى جواب اروح بيه للادارة سالتها عن استماره 111 اختمها منين قالتلى مش من هنا من الاداره اما تستلمى هناك وهيدوكى رقم تتصلى بيه تحجزى للكشف وسالتها عن بيان الحالة الوظيفية عشان الزمالة قالتلى اما تستلمى فالاداره برضو وملهمش دعوى ان اخر معاد يوم 31 فخلاص ياجماعة محدش يروح مشوار الوزاره ده روحو عالمديرية على طول ان شاءالله

pinkyflower88
25-03-2010, 11:18 PM
د دينا هم بيبيعوا هناك اقرار ال>مه الماليه ولا لا ولو لا مكتب البريد الي جمبهم موجود فيه

أبو مالك
26-03-2010, 12:21 AM
انا رحت النهارده مديرية القاهره والقرار والاسامى وصلت عندهم واستلمت بس خلتنى اصور الصفحه اللى فيها اسمى فى دفتر عندها وشوية ورق كده كلو عندها وخدت منى اصل شهادة التخرج والامتياز والترخيص وصورة البطاقة بس وقالتلى تعالى يوم الاربعاء يكونو اعتمدو الورق ده ويدونى جواب اروح بيه للادارة سالتها عن استماره 111 اختمها منين قالتلى مش من هنا من الاداره اما تستلمى هناك وهيدوكى رقم تتصلى بيه تحجزى للكشف وسالتها عن بيان الحالة الوظيفية عشان الزمالة قالتلى اما تستلمى فالاداره برضو وملهمش دعوى ان اخر معاد يوم 31 فخلاص ياجماعة محدش يروح مشوار الوزاره ده روحو عالمديرية على طول ان شاءالله

جزيتم عنا خيرا
__________
يعنى بتوع الزمالة ملهموش دعوة
وبتوع المديرية ملهموش دعوة
امال مين اللى له دعوة
______________________
انا اتصلت بالزمالة النهاردة قالولى ان بيان الحالة الوظيفية بيخلص من المديرية مش من الادارة

Deena Mohsen
26-03-2010, 11:47 AM
[quote=pinkyflower88;164379]د دينا هم بيبيعوا هناك اقرار ال>مه الماليه ولا لا ولو لا مكتب البريد الي جمبهم موجود فيه[/quoاقرار الذمة المالية بتجيبية من اىىى مكتب بريد ب 70 قرش وماطلبهوش فى مديرية القاهرة ولا طلبو الفيش ولا حتى صور شخصية كل اللى طلبوه اصول الشهادة الموقتة وشهادة الامتياز و الترخيص وصورة البطاقة واصل المعاملة العسكرية للذكور و شوية الورق اللى خلتنى اصوره واملاه وقالتلى تعالى الاربع و:no comment.gif:

Deena Mohsen
26-03-2010, 12:05 PM
السلام عليكم ورحمة الله وبركاته
د.ابو مالك انا اتجادلت مع الموظفة هناك كتير وخلاصة للى قالتة انها مفيش حاجه تعملها ومش غلطتها ان مفيش تنسيق والوزارة مابلغتهمش باى حاجه عن الزمالة وكده كده البيان مش من عندنا هيبقى من الادارة اما تستلمو وروحى حاولى فى الزمالة يمكن يمدلكو الوقت شوية ؛يعنى لو على كلامها اخدت ورقى للادارة يوم الاربعاء 31 وكمان من غير الكشف الطبى :no comment.gif:

صاص
26-03-2010, 06:45 PM
السلام عليكم
ممكن حديرد عليه بسرعه بجماعه هل الكشف الطبي ضروري قبل استلام الجواب يعني المديريه مش هتسلملي الجواب قبل مااعمله عشان لومش ضروري يبقى مالوش لزمه الكشف المستعجل لاني سمعت من ناس ان الكشف ده ممكن نعمله اي وقت فهل حدعنده معلومات اكيده يفيدنابيهاياجماعه وجزاكم الله كل خير ونرجو سرعة الرد

drasmaa25
26-03-2010, 07:06 PM
السلام عليكم ورحمة الله وبركاته
د دينا يعني دلوقتي الاسماء وصلت الوزاره وممكن اي حد في اي ادارة في القاهره يروح المديريه وياخد الجواب اللي يستلم بيه في ادارته؟؟؟؟؟؟؟؟؟؟؟؟؟؟؟؟؟
وياتري المديريه فاتحه يوم السبت؟
وهل انتي اخدتي الجواب اللي هتستلمي بيه ولا هي قالت لك تعالي الاربعاء عشان تاخديه؟؟؟؟؟؟؟؟؟؟؟؟؟ يعني احنا مش بناخد الجواب في نفس اليوم؟؟؟؟؟؟؟؟؟؟؟؟؟
اسفه للاطاله وارجو الرد وشكرا
جزاكــــــــ الله خيرا ــــم

بلاإسم
26-03-2010, 09:56 PM
د دينا . هي فين مديرية القاهرة أصلا؟
جزاكــــــ الله خيرا ــــــــم

د احمد مطحون
26-03-2010, 11:35 PM
د دينا . هي فين مديرية القاهرة أصلا؟
جزاكــــــ الله خيرا ــــــــم
أيوه صحيح هى فين

mzaied
27-03-2010, 02:19 AM
أيوه صحيح هى فين

مديرية الشئون الصحية موجودة بالعتبة ...

هتنزل محطة مترو العتبة .. هتسأل عن المديرية او مكتب البريد .. الاتنين جنب بعض

:wfk.gif::wfk.gif:

mzaied
27-03-2010, 04:14 AM
حد يا شباب يعرف ان كانت المديرية شغالين السبت ولا لأ ؟؟:wfk.gif:

Deena Mohsen
27-03-2010, 05:19 AM
حد يا شباب يعرف ان كانت المديرية شغالين السبت ولا لأ ؟؟:wfk.gif:

السبت اجازة

mzaied
27-03-2010, 06:29 AM
السبت اجازة
:wfk.gif::wfk.gif:

د/هيثم
27-03-2010, 01:57 PM
لو سمحت يا جماعة هل فى اوراق المفروض اخدها معايا لمديرية القاهرة و ما هى ؟

Deena Mohsen
27-03-2010, 02:30 PM
لو سمحت يا جماعة هل فى اوراق المفروض اخدها معايا لمديرية القاهرة و ما هى ؟

اما استلمت هناك ماطلبتش غير اصل شهادة الامتياز واصل الشهادة المؤقتة واصل الترخيص وصورة البطاقة الشخصية وللذكور فى اصل المعاملة العسكرية وهتخليك تصور ورق من عندها للاستلام :wfk.gif:

د/هيثم
27-03-2010, 03:48 PM
طيب كعب العمل ده مطلوب فين

Deena Mohsen
27-03-2010, 06:50 PM
طيب كعب العمل ده مطلوب فين
ايه كعب العمل ده كمان:rolleyes: ماسمعتش عنه صراحة بص هو ده الورق المطلوب منك بس فمديرية القاهرة وهتخليك تصور القرار وصفحة اسمك ووالورقه اللى هتستلم فيها العمل بتكتب فيها بياناتك وتاريخ الاستلام هوة ده كعب العمل ولا حاجه تانية؟؟!!!

د/هيثم
27-03-2010, 07:22 PM
لا كعب العمل بنعملها من مكتب العمل فى المنطقة اللى احنا ساكنين فيها

و بيتعمل بعد الاطلاع على شهادة التخرج و البطاقة و الميلاد و الرقم التامينى لكن مش عارف ايه فايدته و لا بيتسلم فين

Deena Mohsen
27-03-2010, 09:15 PM
لا كعب العمل بنعملها من مكتب العمل فى المنطقة اللى احنا ساكنين فيها

و بيتعمل بعد الاطلاع على شهادة التخرج و البطاقة و الميلاد و الرقم التامينى لكن مش عارف ايه فايدته و لا بيتسلم فين
خلاص ولا كاتك سمعت عنه لو طلبوه نبقى نعملهلهم ,فالمديرية محدش طلبه وفى ادارة السلام اول بالنسبة لى مش طالبين حاجة زى كده انا بس اللى هيجننى هو الفيش بتاع جهة التكليف ده محدش هياخده ليه محدش طلبه خالص:cool:

drasmaa25
27-03-2010, 10:13 PM
السلام عليكم ورحمة الله وبركاته
د دينا يعني دلوقتي الاسماء وصلت المديريه وممكن اي حد في اي ادارة في القاهره يروح المديريه وياخد الجواب اللي يستلم بيه في ادارته؟؟؟؟؟؟؟؟؟؟؟؟؟؟؟؟؟
وهل انتي اخدتي الجواب اللي هتستلمي بيه ولا هي قالت لك تعالي الاربعاء عشان تاخديه؟؟؟؟؟؟؟؟؟؟؟؟؟ يعني احنا مش بناخد الجواب في نفس اليوم؟؟؟؟؟؟؟؟؟؟؟؟؟
اسفه للاطاله وارجو الرد وشكرا
جزاكــــــــ الله خيرا ــــم
موفق بإذن الله ... جزاكم الله خيرا .

samahmed
27-03-2010, 10:52 PM
السلام عليكم ورحمة الله وبركاته
د/ دينا انا كمان مدينة السلام اول
هو معنى انك جبت الجواب انك خلاص استلمت فى الادارة
:wfk.gif:

Deena Mohsen
28-03-2010, 01:06 AM
:rolleyes:

السلام عليكم ورحمة الله وبركاته



د/ دينا انا كمان مدينة السلام اول
هو معنى انك جبت الجواب انك خلاص استلمت فى الادارة


:wfk.gif:


لا الاستلام الاول فى المديرية بعدين هتدينا معاد نروح تانى ليها ناخد جواب للادارة نستلم بيه هناك,اما استلمت الخميس قالتلى ابقى تعالى الاربع الجاى خدى جوابك تستلمى بيه فى الادارة بس ان شاء الله هاروح الاتنين

drasmaa25
28-03-2010, 01:14 AM
شكرا د دينا علي رد حضرتك عليا في تاني مرة اسال نفس السوال
جزاكــــــــ الله خيرا ــــم

imported_فرح
28-03-2010, 01:43 AM
احنا في المنوفيه استلمنا وخدنا الجواب في نفس اليوم

ام عمر
28-03-2010, 02:31 AM
جزاكــــــــ الله خيرا ــــم

samahmed
28-03-2010, 05:46 PM
السلام عليكم ورحمة الله وبركاته
د/ دينا شكرا على الرد
موفق بإذن الله ... جزاكم الله خيرا .

Deena Mohsen
28-03-2010, 06:14 PM
شكرا د دينا علي رد حضرتك عليا في تاني مرة اسال نفس السوال
جزاكــــــــ الله خيرا ــــم

يا د.اسماء انا رجعت لكل المشاركات ولقيتنى مارديتش فالمرتين بس والله بدون قصد سقط سهوا واسفه عالتاخير فالرد بالنسبة للمديرية اما رحت استلمت فقط يوم الخميس والاسماء موجوده عندهم وعشان تسلمنى اخدت منى اصول الشهادة المؤقتة والامتياز والترخيص وصوره البطاقة وشوية ورق صورته موجود عندها ومضيت الاستلام وقالتلى اجى اخد الجواب للادارة يوم الاربعاء يعنى ماخدتوش فى نفس اليوم ولا لسه اخدته لحد النهارده مع ان كل المديريات بتسلم وتدى الجواب للادارة فى نفس اليوم

أبو مالك
28-03-2010, 09:39 PM
يا د.اسماء انا رجعت لكل المشاركات ولقيتنى مارديتش فالمرتين بس والله بدون قصد سقط سهوا واسفه عالتاخير فالرد بالنسبة للمديرية اما رحت استلمت فقط يوم الخميس والاسماء موجوده عندهم وعشان تسلمنى اخدت منى اصول الشهادة المؤقتة والامتياز والترخيص وصوره البطاقة وشوية ورق صورته موجود عندها ومضيت الاستلام وقالتلى اجى اخد الجواب للادارة يوم الاربعاء يعنى ماخدتوش فى نفس اليوم ولا لسه اخدته لحد النهارده مع ان كل المديريات بتسلم وتدى الجواب للادارة فى نفس اليوم

هى دى أغرب ما فى الموضوع أغلب الناس من مديرية القاهرة مش هتلحق تقدم فى الزمالة للسبب ده

لكن كل المديريات بتخلص وتدى الجواب فى نفس اليوم

drasmaa25
28-03-2010, 09:51 PM
د ينا جل من لا يسهو انا بس كنت مستعجله عالرد عشان كنت عايزة اروح بسرعه قبل ظروف معينه عندي
موفق بإذن الله ... جزاكم الله خيرا .

dr_ahmedsalah
31-03-2010, 07:02 PM
أنا عاوز أعرف حاجه.

أنا رحت المديرية الصحية ببنها
وأخدت الجواب للإدارة

بس بعد ما رجعت اكتشفت ان استمارة الكشف الطبي مش مختومه ... بس ماضي عليها الموظفين والبيانات موجودة.

هل ده عادي ولا نسيوا يختموها ولا إيه ؟
ولا بنختمها من الإدارة نفسها ؟

أبو مالك
31-03-2010, 08:44 PM
أنا عاوز أعرف حاجه.

أنا رحت المديرية الصحية ببنها
وأخدت الجواب للإدارة

بس بعد ما رجعت اكتشفت ان استمارة الكشف الطبي مش مختومه ... بس ماضي عليها الموظفين والبيانات موجودة.

هل ده عادي ولا نسيوا يختموها ولا إيه ؟
ولا بنختمها من الإدارة نفسها ؟


مش هينفع تعمل الكشف الطبى الإ لما تختم استمارة الكشف الطبى

هتختمها منين حسب المديرية

يعنى فى القاهرة كل ادارة مديرية مستقلة بذاتها ا
انا ختمتها من الادارة

فى القليبوبية اعرف اللى بيختمها المديرية

dr_ahmedsalah
31-03-2010, 08:56 PM
شكرا يا ابو مالك

طب كام سؤال كده

بعد ما بنخلص الاستمارة دي بنوديها فين ؟ وآخر ميعاد للكشف إمتى ؟ طالما ممكن نستلم من غيرها !